ന്യൂഡല്‍ഹി: എയര്‍ ഇന്ത്യയ്ക്ക് 1.10 കോടി രൂപ പിഴ ചുമത്തി ഏവിയേഷന്‍ വാച്ച്‌ഡോഗ് ഡിജിസിഎ. ചില ദീര്‍ഘദൂര റൂട്ടുകളില്‍ സര്‍വീസ് നടത്തുന്ന വിമാനങ്ങളുമായി ബന്ധപ്പെട്ട് സുരക്ഷാ ലംഘനങ്ങള്‍ നടത്തിയതിനാണ് പിഴ ചുമത്തിയത്.
ചില ദീര്‍ഘദൂര ഭൂപ്രദേശ നിര്‍ണായക റൂട്ടുകളില്‍ എയര്‍ ഇന്ത്യ നടത്തുന്ന വിമാനങ്ങളുടെ സുരക്ഷാ ലംഘനങ്ങള്‍ ആരോപിച്ച് എയര്‍ലൈന്‍ ജീവനക്കാരനില്‍ നിന്ന് ലഭിച്ച സുരക്ഷാ റിപ്പോര്‍ട്ടിന്റെ അടിസ്ഥാനത്തിലാണ് നടപടി. റെഗുലേറ്റര്‍ വിശദമായ അന്വേഷണം നടത്തിയതായി ഡിജിസിഎ പുറത്തിറക്കിയ പ്രസ്താവനയില്‍ പറയുന്നു.
അന്വേഷണത്തില്‍ പ്രഥമദൃഷ്ട്യാ എയര്‍ലൈന്‍ വ്യവസ്ഥകള്‍ പാലിക്കുന്നില്ലെന്ന് കണ്ടെത്തിയതിനാല്‍ എയര്‍ ഇന്ത്യയ്ക്ക് കാരണം കാണിക്കല്‍ നോട്ടീസ് നല്‍കിയതായി ഡിജിസിഎ അറിയിച്ചു.
