കോണ്ഗ്രസ് എംഎല്എയും മുന് രാജസ്ഥാന് കാബിനറ്റ് മന്ത്രിയുമായ മഹേന്ദ്രജീത് സിംഗ് മാളവ്യ ഭരണകക്ഷിയായ ഭാരതീയ ജനതാ പാര്ട്ടിയില് ചേരാന് സാധ്യത. ലോക്സഭാ തിരഞ്ഞെടുപ്പിന് മുന്നോടിയായി കോണ്ഗ്രസിന് കനത്ത തിരിച്ചടിയാണ് ലഭിക്കുന്നത്.
അതേ സമയം, ഫെബ്രുവരി 14ന് രാജ്യസഭാ തിരഞ്ഞെടുപ്പില് രാജസ്ഥാനില് നിന്ന് കോണ്ഗ്രസ് സ്ഥാനാര്ത്ഥിയായി സോണിയ ഗാന്ധി നാമനിര്ദേശ പത്രിക സമര്പ്പിക്കുന്ന വേളയില് മാളവ്യ ജയ്പൂരില് എത്തിയില്ല എന്നത് ശ്രദ്ധേയമാണ്. കോണ്ഗ്രസ് പാര്ട്ടിയില് തുടരുന്നതില് മാളവ്യ അസംതൃപ്തനായിരുന്നു എന്നാണ് രാഷ്ട്രീയ വൃത്തങ്ങള് പറയുന്നത്.
മാളവ്യ നിലവില് ബന്സ്വാര ജില്ലയിലെ ബാഗിദോര നിയമസഭാ സീറ്റിനെ പ്രതിനിധീകരിക്കുന്നു.ബിജെപിക്ക് കോണ്ഗ്രസിനേക്കാള് ശക്തമായ അടിത്തറയുണ്ടെന്ന് കരുതപ്പെടുന്ന തെക്കന് രാജസ്ഥാനില് വരാനിരിക്കുന്ന ലോക്സഭാ തിരഞ്ഞെടുപ്പിന് മുമ്പ് അദ്ദേഹത്തിന്റെ കൂറുമാറ്റം ബിജെപിക്ക് ഉപകാരം ചെയ്യും.
