സനാതന ധര്മ്മത്തെക്കുറിച്ചുള്ള പരാമര്ശങ്ങളുടെ പേരിലുള്ള വിവാദത്തില് തമിഴ്നാട് മന്ത്രി ഉദയനിധി സ്റ്റാലിന് ഇന്ന് മദ്രാസ് ഹൈക്കോടതിയില് നിന്ന് അല്പം ആശ്വാസം ലഭിച്ചു. സ്റ്റാലിനും മറ്റ് രണ്ട് ഡിഎംകെ നേതാക്കളും നിയമസഭാംഗങ്ങളായി തുടരുന്നത് ചോദ്യം ചെയ്തുള്ള ഹര്ജിയാണ് കോടതി ഇന്ന് തള്ളിയത്. ഉദയനിധി സ്റ്റാലിന് മന്ത്രിയായി തുടരാമെന്നും അയോഗ്യനാക്കാനാകില്ലെന്നും കോടതി പറഞ്ഞു.
കഴിഞ്ഞ സെപ്റ്റംബറിലാണ് സ്റ്റാലിന് സനാതന ധര്മ്മത്തെക്കുറിച്ച് വിവാദ പരാമര്ശം നടത്തിയത്. ഉദയനിധി സ്റ്റാലിനെ കൂടാതെ സംസ്ഥാന മന്ത്രി പികെ ശേഖര് ബാബു, ഡിഎംകെ എംപി എ രാജ എന്നിവരെ നിയമസഭയില് നിന്ന് പുറത്താക്കണമെന്നായിരുന്നു ഹര്ജിക്കാരുടെ ആവശ്യം. ഉദയനിധി പരാമര്ശം നടത്തിയപ്പോള് ബാബു അവിടെയുണ്ടായിരുന്നെങ്കിലും അദ്ദേഹം പറഞ്ഞ കാര്യങ്ങള് രാജ അംഗീകരിച്ചിരുന്നു.
തമിഴ്നാട് മുഖ്യമന്ത്രിയുടെ മകനെ സുപ്രീം കോടതി കഴിഞ്ഞ ദിവസം അതിരൂക്ഷമായി വിമര്ശിച്ചിരുന്നു. ഉദയനിധി ഒരു സാധാരണക്കാരനല്ല, മന്ത്രിയാണ്. പ്രസ്താവനയുടെ അനന്തരഫലങ്ങള് അറിഞ്ഞിരിക്കണമെന്നും കോടതി ചൂണ്ടിക്കാട്ടി. എന്നാല്, താന് നിയമനടപടി നേരിടാന് തയ്യാറാണെന്നും എന്നാല് തന്റെ പരാമര്ശത്തില് ഉറച്ചുനില്ക്കുകയാണെന്നും അദ്ദേഹം പറഞ്ഞു.
