മുംബൈ-ഗോരഖ്പൂര് ഗോദാന് എക്സ്പ്രസിന്റെ എസ്എല്ആര് കോച്ചില് നാസിക് റോഡ് റെയില്വേ സ്റ്റേഷന് സമീപം വെച്ച് പെട്ടെന്ന് തീപിടിച്ചു. തീപിടിത്തത്തെക്കുറിച്ചുള്ള റിപ്പോര്ട്ടുകള് ലഭിച്ചയുടന് ട്രെയിന് ഉടന് നിര്ത്തിയിടുകയും തീ നിയന്ത്രണവിധേയമാക്കാന് അടിയന്തര ശ്രമങ്ങള് ആരംഭിക്കുകയും ചെയ്തു. പെട്ടെന്നുള്ള തീപിടിത്തത്തിന്റെ കാരണം ഇതുവരെ കണ്ടെത്താനായിട്ടില്ല. സംഭവത്തില് ആളപായമില്ലെന്നതും ആശ്വാസകരമാണ്.
തീപിടിത്തം റിപ്പോര്ട്ട് ചെയ്ത ഉടന് റെയില്വേ പോലീസും അഡ്മിനിസ്ട്രേഷന് ഉദ്യോഗസ്ഥരും സംഭവസ്ഥലത്ത് രക്ഷാപ്രവര്ത്തനം നടത്തി. കോച്ചിന് തീപിടിച്ചതോടെ യാത്രക്കാര് പരിഭ്രാന്തിയിലായി. ട്രെയിന് നിര്ത്തി യാത്രക്കാര് പെട്ടെന്ന് ഇറങ്ങി ഓടുകയായിരുന്നു.
