സൊമാലിയന് തീരത്ത് പിടിയിലായ 35 കടല്ക്കൊള്ളക്കാരെയും വഹിച്ച് ഐഎന്എസ് കൊല്ക്കത്ത മുംബൈയിലെത്തി. ‘സങ്കല്പ്’ ഓപ്പറേഷന്റെ ഭാഗമായാണ് ഈ നീക്കം. ഓപ്പറേഷനില് പിടിയിലായ 35 കടല്ക്കൊള്ളക്കാരെയും വഹിച്ച് ഐഎന്എസ് കൊല്ക്കത്ത ശനിയാഴ്ച രാവിലെയാണ് മുംബൈയിലെത്തിയത്. കടല്ക്കൊള്ളക്കാരെ പിന്നീട് മുംബൈ പോലീസിന് കൈമാറി.
കടലിലൂടെ പോകുന്ന വ്യാപാരികളെ ഹൈജാക്ക് ചെയ്യുന്നതിനും കടല്ക്കൊള്ളയ്ക്കായും ഈ കപ്പല് ഉപയോഗിച്ചിരുന്നെന്നാണ് റിപ്പോര്ട്ട്. മാര്ച്ച് 15 ന് പുലര്ച്ചെയാണ് ഐ.എന്.എസ് കൊല്ക്കത്ത പൈറേറ്റ് കപ്പലിനെ ലക്ഷ്യം വെച്ചത്. ഇന്ത്യന് നാവികസേന കപ്പലിലെ ആയുധങ്ങള്, വെടിമരുന്ന്, നിരോധിത വസ്തുക്കള് തുടങ്ങിയവ നീക്കം ചെയ്യുകയും കപ്പല് സുരക്ഷിതമാക്കുകയും ചെയ്തു. തുടര്ന്ന് നാവികസേനാ സംഘം കപ്പലിനെ യാത്രയ്ക്ക് ഉതകുന്ന രീതിയിലാക്കി.
ഇന്ത്യന് നാവികസേനയുടെ ഇന്ഫര്മേഷന് ഫ്യൂഷന് സെന്റര്-ഇന്ത്യന് ഓഷ്യന് റീജിയനില് നിന്ന് യു.കെ.എം.ടി.ക്ക് (യുണൈറ്റഡ് കിംഗ്ഡം മാരിടൈം ട്രൈഡ് ഓപ്പറേഷന്) ലഭിച്ച വിവരത്തെ തുടര്ന്നാണ് കടല്ക്കൊള്ളക്കാരെ പിടികൂടിയത്.
