ന്യൂഡല്ഹി: സദാനന്ദ് വസന്ത് ഡേറ്റിനെ എന്ഐഎയുടെ ഡയറക്ടര് ജനറലായി നിയമിച്ച് പേഴ്സണല് മന്ത്രാലയത്തിന്റെ ഉത്തരവ്. നിലവിലെ മേധാവി ദിന്കര് ഗുപ്തയുടെ കാലാവധി ഈ മാസം അവസാനിക്കുന്ന പശ്ചാത്തലത്തിലാണ് പുതിയ നിയമനം. 1990 ബാച്ച് മഹാരാഷ്ട്ര കേഡര് ഐപിഎസ് ഉദ്യോഗസ്ഥനാണ്.
2026 ജൂണ് 30-ന് സൂപ്പര്ആനുവേഷന് വരെ അദ്ദേഹത്തിന് കാലാവധി ഉണ്ടായിരിക്കുമെന്ന് ഉത്തരവില് പറയുന്നു. പിയൂഷ് ആനന്ദ് ദേശീയ ദുരന്ത നിവാരണ സേനയുടെ (എന്ഡിആര്എഫ്) പുതിയ മേധാവിയാകും. ബ്യൂറോ ഓഫ് പൊലീസ് റിസര്ച്ച് ആന്റ് ഡയലപ്പ്മെന്റ് ഡയറക്ടര് ജനറലായി ഐപിഎസ് ഉദ്യോഗസ്ഥനായ രാജീവ് കുമാര് ശര്മയേയും നിയമിച്ചിട്ടുണ്ട്.
