ചെന്നൈ: ലാപ്ടോപ് ചാര്ജ് ചെയ്യുന്നതിനിടെ ഡോക്ടര് ഷോക്കേറ്റ് മരിച്ചു. നാമക്കല് സ്വദേശി ഡോ. ശരണിത (32) യാണ് ഷോക്കേറ്റു മരിച്ചത്. അയനാവരത്തെ ഹോസ്റ്റല് മുറിയില് വെച്ച് ലാപ്ടോപ് ചാര്ജ് ചെയ്യുന്നതിനിടെയായിരുന്നു സംഭവം. കില്പോക് ഇന്സ്റ്റിറ്റ്യൂട്ട് ഓഫ് മെന്റല് ഹെല്ത്തില് പരിശീലനത്തിനെത്തിയതായിരുന്നു ശരണിത.
ഞായറാഴ്ച രാവിലെ ഭര്ത്താവ് നിരവധി തവണ ഫോണ് വിളിച്ചിട്ടും കിട്ടാത്തതിനെ തുടര്ന്ന് ഹോസ്റ്റല് അധികൃതരെ വിവരം അറിയിക്കുകയായിരുന്നു. മുറിയിലെത്തി നോക്കിയപ്പോള് ചാര്ജര് കയ്യില് പിടിച്ച് അബോധാവസ്ഥയില് കിടക്കുന്നതാണ് കണ്ടത്. ഉടന് ആശുപത്രിയില് എത്തിച്ചെങ്കിലും രക്ഷിക്കാനായില്ല. കോയമ്പത്തൂരില് ഡോക്ടറായ ഉദയകുമാറാണു ഭര്ത്താവ്. അഞ്ച് വയസ്സുള്ള കുട്ടിയുണ്ട്.
