നേപ്പാള്; നേപ്പാള് ഭൂചലനത്തില് മരിച്ചവരുടെ എണ്ണം 140 ആയി ഉയര്ന്നതായി റിപ്പോര്ട്ട്. മരണസംഖ്യ ഇനിയും ഉയരുമെന്നാണ് കരുതുന്നത്. പല സ്ഥലങ്ങളുമായുള്ള ആശയവിനിമയം വിച്ഛേദിക്കപ്പെട്ടതായി അധികൃതര് അറിയിച്ചു. ദേശീയ ഭൂകമ്പ നിരീക്ഷണ ഗവേഷണ കേന്ദ്രത്തിന്റെ റിപ്പോര്ട്ട് പ്രകാരം ഇന്നലെ രാത്രിയുണ്ടായ ഭൂകമ്പത്തെത്തുടര്ന്ന് 159 തുടര്ചലനങ്ങള് രേഖപ്പെടുത്തിയിട്ടുണ്ട്. നേപ്പാള് സൈന്യത്തെയും നേപ്പാള് പോലീസിനെയും രക്ഷാപ്രവര്ത്തനത്തിനായി അണിനിരത്തിയിട്ടുണ്ട്. ഭൂചലനവും അതിന്റെ തുടര്ചലനങ്ങളും മൂലമുണ്ടായ മണ്ണിടിച്ചിലുകള് രക്ഷാപ്രവര്ത്തകര്ക്ക് ചില പാതകളെ തടസ്സപ്പെടുത്തി.
