മദ്യനയ അഴിമതി കേസില് അറസ്റ്റിലായ ഡല്ഹി മുഖ്യമന്ത്രി അരവിന്ദ് കെജ്രിവാളിനെ സിബിഐ ബുധനാഴ്ച മൂന്ന് ദിവസത്തെ കസ്റ്റഡിയില് വിട്ടു. കെജ്രിവാളിനെ അഞ്ച് ദിവസത്തെ പോലീസ് കസ്റ്റഡിയില് വിടാന് കേന്ദ്ര അന്വേഷണ ഏജന്സി ആവശ്യപ്പെട്ടതിനെ തുടര്ന്നാണിത്. കേസില് കെജ്രിവാളിനെ സിബിഐ ഔദ്യോഗികമായി അറസ്റ്റ് ചെയ്തു. വിചാരണക്കോടതി അനുവദിച്ച ജാമ്യം ഡല്ഹി ഹൈക്കോടതി സ്റ്റേ ചെയ്തതിനെതിരായി കെജ്രിവാള് സമര്പ്പിച്ച ഹര്ജി സുപ്രിംകോടതി പരിഗണിക്കാന് മണിക്കൂറുകള് മാത്രം ബാക്കിനില്ക്കെയാണ് സിബിഐ കെജ്രിവാളിന്റെ അറസ്റ്റ് രേഖപ്പെടുത്തിയത്.
ജൂണ് 20നാണ് റൗസ് അവന്യൂ കോടതി കെജ്രിവാളിന് ജാമ്യം അനുവദിച്ചത്. തൊട്ടടുത്ത ദിവസം ഇ.ഡി നല്കിയ അപേക്ഷയില് ജാമ്യത്തിന് ഇടക്കാല സ്റ്റേ നല്കി ഹൈക്കോടതി ഉത്തരവ് പുറപ്പെടുവിച്ചു. ഹൈക്കോടതി നടപടിക്കെതിരെ കഴിഞ്ഞ ദിവസം കെജ്രിവാള് സുപ്രീംകോടതിയെ സമീപിച്ചിരുന്നു. അരവിന്ദ് കെജ്രിവാളിനെ തിഹാര് ജയിലില് സി.ബി.ഐ. ചൊവ്വാഴ്ച രാത്രി ചോദ്യംചെയ്തിരുന്നു. മാര്ച്ച് 21നാണ് ഡല്ഹി മദ്യനയ അഴിമതി കേസുമായി ബന്ധപ്പെട്ട് അരവിന്ദ് കെജ്രിവാളിനെ ഇഡി അറസ്റ്റ് ചെയ്തത്.
