കര്ണ്ണാടക: ഷിരൂരിലെ മണ്ണിടിച്ചിലില് കാണാതായ അര്ജുന്റെ ഡിഎന്എ പരിശോധന ഫലം രണ്ട് ദിവസത്തിനകം ലഭിക്കുമെന്ന് പോലീസ്. മൃതദേഹം അര്ജുന്റേതാണെന്ന് സ്ഥിരീകരിക്കാന് ഡിഎന്എ പരിശോധന നടത്തണമെന്ന ആവശ്യം കുടുംബം അറിയിച്ചിരുന്നു. കാര്വാര് കിംസ് ആശുപത്രി മോര്ച്ചറിയില് സൂക്ഷിച്ച മൃതദേഹത്തില് നിന്നും സാംപിള് ശേഖരിച്ച് ഹുബ്ലിയിലെ റീജണല് ഫോറന്സിക് സയന്സ് ലാബിലേക്ക് ഡിഎന്എ പരിശോധനയ്ക്ക് അയക്കുകയാണ് ചെയ്യുക. സ്ഥിരീകരണത്തിന് ശേഷം മൃതദേഹം കുടുംബത്തിന് വിട്ടുനല്കും.
അതേ സമയം, മണ്ണിടിച്ചിലില് കാണാതായ മറ്റു രണ്ടുപേര്ക്കായുള്ള തിരച്ചില് തുടരുമെന്ന് കര്ണ്ണാടക സര്ക്കാര് അറിയിച്ചു. കര്ണ്ണാടക സ്വദേശികളായ ലോകേഷ്, ജഗന്നാഥന് എന്നിവര്ക്കായാണ് ഇന്നും തിരച്ചില് തുടരുക.
