മുന് പ്രധാനമന്ത്രി മന്മോഹന്സിങ് (92) അന്തരിച്ചു. ഡല്ഹിയില് എയിംസില് ശ്വാസകോശ സംബന്ധമായ അസുഖത്തെ തുടര്ന്ന് ചികിത്സയിലിരിക്കെയാണ് അന്ത്യം. രാത്രി 8 മണിയോടെ ആശുപത്രിയിലെ അത്യാഹിത വിഭാഗത്തില് പ്രവേശിപ്പിക്കുകയായിരുന്നു. അദ്ദേഹത്തിന്റെ കുടുംബവും മുതിര്ന്ന കോണ്ഗ്രസ് നേതാവ് പ്രിയങ്ക ഗാന്ധി വധേരയും ആശുപത്രിയില് എത്തിയിട്ടുണ്ട്.
2004 മുതല് 2014 വരെ പ്രധാനമന്ത്രിയായിരുന്ന സിംഗ് 2024ല് 33 വര്ഷം നീണ്ട രാഷ്ട്രീയജീവിതം അവസാനിപ്പിച്ച് രാജ്യസഭയില് നിന്ന് വിരമിച്ചിരുന്നു. പി വി നരസിംഹ റാവുവിന്റെ നേതൃത്വത്തിലുള്ള സര്ക്കാരില് 1991 ജൂണില് ധനമന്ത്രിയായി. രാജ്യസഭയിലേക്കുള്ള അദ്ദേഹത്തിന്റെ രംഗപ്രവേശവും 1991ലായിരുന്നു. ഇന്ത്യയുടെ പതിമൂന്നാമത്തെയും, പതിനാലാമത്തെയും പ്രധാനമന്ത്രിയും, രാജ്യാന്തരതലത്തില് ശ്രദ്ധേയനായ സാമ്പത്തിക ശാസ്ത്രജ്ഞനുമായിരുന്നു ഡോ. മന്മോഹന് സിംഗ്.
