ബെംഗളൂരു: ദീപാവലി സമയത്ത് ജെപി നഗറിലെ തന്റെ വസതിയില് അനധികൃത കണക്ഷനില് നിന്ന് വൈദ്യുതി എടുത്ത് കത്തിച്ചതിന് കര്ണാടക മുന് മുഖ്യമന്ത്രി എച്ച് ഡി കുമാരസ്വാമിക്ക് 68,526 രൂപ പിഴ. എന്നാല് തനിക്കെതിരെ ഈടാക്കിയ പിഴയില് പ്രതിഷേധിക്കുകയും രജിസ്റ്റര് ചെയ്ത എഫ്ഐആറില് മന്ത്രി പിഴവുകള് കണ്ടെത്തുകയും ചെയ്തു.
ബംഗളൂരു ഇലക്ട്രിസിറ്റി സപ്ലൈ കമ്പനി ലിമിറ്റഡ് (ബെസ്കോം) വിജിലന്സ് പോലീസ് സ്റ്റേഷനിലെ അസിസ്റ്റന്റ് എക്സിക്യുട്ടീവ് എഞ്ചിനീയര്ക്ക് അയച്ച കത്തില് കുമാരസ്വാമി തന്റെ ജീവനക്കാര് വാടകയ്ക്കെടുത്ത ഇലക്ട്രിസിറ്റി കോണ്ട്രാക്ടറെ കുറ്റപ്പെടുത്തി.
ഇലക്ട്രിക്കല് കരാറുകാരന് ചെയ്ത ഒരു പ്രവൃത്തിയുടെ പേരില് തന്റെ പേര് കളങ്കപ്പെടുത്തുകയാണെന്ന് കുമാരസ്വാമി ആരോപിച്ചു. കുമാരസ്വാമിയുടെ വീട്ടിലേക്ക് വൈദ്യുത പോസ്റ്റില് നിന്ന് കണക്ഷന് എടുക്കുന്നതിന്റെ വീഡിയോയും പുറത്തു വന്നിട്ടുണ്ട്.
