ഡല്‍ഹി വായു ഗുണനിലവാരം ഇന്ന് കൂടുതല്‍ മെച്ചപ്പെട്ടതായി നിരീക്ഷണ ഏജന്‍സികള്‍

ഡല്‍ഹിയിലെയും പ്രാന്തപ്രദേശങ്ങളിലെയും വായു ഗുണനിലവാരം ഞായറാഴ്ച കൂടുതല്‍ മെച്ചപ്പെട്ടതായി നിരീക്ഷണ ഏജന്‍സികള്‍ അറിയിച്ചു. അനുകൂലമായ അന്തരീക്ഷ സാഹചര്യങ്ങള്‍, പ്രാഥമികമായി കാറ്റിന്റെ ദിശയും വേഗത തുടങ്ങിയ കാരണങ്ങളാലാണ് വായു നിലവാരം മെച്ചപ്പെട്ടത്.

നഗരത്തിലെ വായു ഗുണനിലവാര സൂചിക രാവിലെ 7 മണിക്ക് 290 ആയി. എല്ലാ ദിവസവും വൈകുന്നേരം 4 മണിക്ക് രേഖപ്പെടുത്തിയ 24 മണിക്കൂര്‍ ശരാശരി വായു ഗുണനിലവാരം ശനിയാഴ്ച 319, വെള്ളിയാഴ്ച 405, വ്യാഴാഴ്ച 419 എന്നിങ്ങനെയാണ്. ഗാസിയാബാദ് (275), ഗുരുഗ്രാം (242), ഗ്രേറ്റര്‍ നോയിഡ (232), നോയിഡ (252), ഫരീദാബാദ് (318) എന്നിവയും വളരെ മോശം വായു നിലവാരം രേഖപ്പെടുത്തി.

പൂജ്യത്തിനും 50-നും ഇടയിലുള്ള എ.ക്യു.ഐ നല്ലതും 51-ഉം 100-ഉം തൃപ്തികരവും, 101-ഉം 200-ഉം മിതമായതും, 201-ഉം 300-ഉം മോശം, 301-ഉം 400-ഉം വളരെ മോശം, 401-ഉം 450-ഉം കഠിനവും 450-ന് മുകളിലുള്ളതും കഠിനമായ പ്ലസ് എന്നിങ്ങനെ കണക്കാക്കപ്പെടുന്നു.

ലീനിയര്‍ പ്രോജക്ടുകളുമായി ബന്ധപ്പെട്ട നിര്‍മാണ പ്രവര്‍ത്തനങ്ങള്‍ നിരോധിക്കുന്നതിനും മലിനീകരണമുണ്ടാക്കുന്ന ട്രക്കുകള്‍ ഡല്‍ഹിയിലേക്കുള്ള പ്രവേശനത്തിനുമുള്ള നിരോധനം ഉള്‍പ്പെടെയുള്ള കര്‍ശന നിയന്ത്രണങ്ങള്‍ കേന്ദ്രം ശനിയാഴ്ച നീക്കം ചെയ്തു.