ബംഗളൂരു ടെക് സമ്മിറ്റ്-2023 എന്ന വാര്‍ഷിക ആഗോള സാങ്കേതിക പരിപാടിയില്‍ സര്‍ക്കാര്‍ പുതുക്കിയ ബയോടെക് നയം അവതരിപ്പിക്കുമെന്ന് കര്‍ണാടക മുഖ്യമന്ത്രി സിദ്ധരാമയ്യ പറഞ്ഞു. അനിമേഷന്‍, വിഷ്വല്‍ ഇഫക്ട്സ്, ഗെയിമിംഗ്, കോമിക്സ്, എക്സ്റ്റെന്‍ഡഡ് റിയാലിറ്റി (എവിജിസി-എക്സ്ആര്‍) നയം സംസ്ഥാനം അവതരിപ്പിക്കാന്‍ ഒരുങ്ങുകയാണെന്ന് ത്രിദിന ബിടിഎസ് ഉദ്ഘാടനം ചെയ്തുകൊണ്ട് സിദ്ധരാമയ്യ പറഞ്ഞു.
ബയോടെക്നോളജിയിലെ മുന്നേറ്റങ്ങള്‍ തുടരുന്നതിനിടെ, ബംഗളൂരു ടെക് ഉച്ചകോടിയില്‍ പരിഷ്‌കരിച്ച ബയോടെക് നയം അവതരിപ്പിക്കുമെന്ന് പ്രഖ്യാപിക്കുന്നതില്‍ എനിക്ക് അതിയായ സന്തോഷമുണ്ട്, മുഖ്യമന്ത്രി പറഞ്ഞു. എല്ലാവരേക്കാളും മുന്നില്‍ നില്‍ക്കാനും ഈ നിര്‍ണായക മേഖലയിലെ വളര്‍ച്ചയെ പ്രോത്സാഹിപ്പിക്കാനുമുള്ള കര്‍ണാടക സര്‍ക്കാരിന്റെ പ്രതിബദ്ധതയാണ് ഈ നയ പരിഷ്‌കരണം പ്രതിഫലിപ്പിക്കുന്നതെന്നും അദ്ദേഹം കൂട്ടിച്ചേര്‍ത്തു.
