സംസ്ഥാനത്ത് വീണ്ടും കൊവിഡ് കേസുകള് വര്ധിക്കുന്നു. രാജ്യത്ത് റിപ്പോര്ട്ട് ചെയ്ത 1492 കേസുകളില് 1324 കേസുകളും കേരളത്തില്. ഇന്നലെ സ്ഥിരീകരിച്ച 329 കേസുകളില് 298 കേസുകള് കേരളത്തിലാണ് റിപ്പോര്ട്ട് ചെയ്തിരിക്കുന്നത്.
ഒരു ഇടവേളയ്ക്ക് ശേഷം സംസ്ഥാനത്ത് കൊവിഡ് കേസുകള് ഉയര്ന്നത്. കൊവിഡ് വീണ്ടും ആശങ്കയുണര്ത്തുന്ന സാഹചര്യത്തിൽ ഗര്ഭിണികളും പ്രായമായവരും ജാഗ്രത പുലര്ത്തണമെന്ന് ആരോഗ്യവകുപ്പ് നിര്ദേശം നല്കി. കൊവിഡ് പരിശോധന ഏറ്റവും കൂടുതല് നടക്കുന്നതും കേരളത്തിലാണ്. ദിവസം 700 മുതൽ 1000 വരെ കോവിഡ് പരിശോധന സംസ്ഥാനത്ത് നടക്കുന്നുണ്ട്.
അതേസമയം, സംസ്ഥാനത്ത് ഇന്നലെ ഒരാള് കൊവിഡ് ബാധിച്ച് മരിച്ചിരുന്നു. കോഴിക്കോട് കുന്നുമല് വട്ടോളിയില് കളിയാട്ടുപറമ്പത്ത് കുമാരന് (77) ആണ് മരിച്ചത്. മരണശേഷം നടത്തിയ പരിശോധനയിലാണ് കൊവിഡ് സ്ഥിരീകരിച്ചത്.
