പാര്ലമെന്റിലെ സുരക്ഷാ വീഴ്ചയില് പ്രതിപക്ഷം ഇന്നും സഭയ്ക്ക് പുറത്ത് പ്രതിഷേധിക്കും. പ്രതിപക്ഷ അംഗങ്ങളെ കഴിഞ്ഞ ദിവസം കൂട്ടത്തോടെ സസ്പെന്ഡ് ചെയ്ത നടപടിക്കെതിരെയും സുരക്ഷാ വീഴ്ചയില് പ്രധാനമന്ത്രി നരേന്ദ്രമോദിയോ ആഭ്യന്തര മന്ത്രി അമിത് ഷായോ വിശദീകരണം നല്കണമെന്നുമാണ് പ്രതിപക്ഷ അംഗങ്ങളുടെ ആവശ്യം. പ്രതിഷേധിച്ച അംഗങ്ങള്ക്കെതിരായ സസ്പെൻഷൻ നടപടി പിൻ വലിക്കണമെന്നും ഇവർ ആവശ്യപ്പെടുന്നു.
സുരക്ഷാ വിഴ്ചയിൽ വിശദീകരണം നല്കേണ്ടെന്നും ലോക്സഭാ സെക്രട്ടറിയേറ്റിനാണ് ഉത്തരവാദിത്തമെന്നുമാണ് സര്ക്കാരിന്റെ നിലപാട്. പ്രതിപക്ഷ ബഹളത്തിനിടെ പോസ്റ്റ് ഓഫീസ് ബില് പാസാക്കിയതിലൂടെ സര്ക്കാരിന്റെ നിലപാട് വ്യക്തമാണ്. സസ്പെന്ഡ് ചെയ്യപ്പെട്ട അംഗങ്ങളുടെ നേതൃത്വത്തില് സഭയ്ക്ക് പുറത്ത് പ്രതിഷേധം കടുപ്പിക്കാനാണ് പ്രതിപക്ഷത്തിന്റെ തീരുമാനം. പ്രതിപക്ഷനിരയിലെ 46 അംഗങ്ങള് ലോക്സഭയിലും 45 അംഗങ്ങള് രാജ്യസഭയിലും സസ്പെന്ഷനിലാണ്.
