ദില്ലി: പ്രധാനമന്ത്രിയുടെ ക്രിസ്മസ് വിരുന്നില് പങ്കെടുത്ത ബിഷപ്പുമാര്ക്കെതിരെ രൂക്ഷ വിമര്ശനവുമായി സി പി ഐ സംസ്ഥാന സെക്രട്ടറി ബിനോയ് വിശ്വം. എം എസ് ഗോള്വല്ക്കര് ക്രിസ്ത്യാനികളെക്കുറിച്ച് എഴുതിയത് ചടങ്ങില് പങ്കെടുത്ത ബിഷപ്പുമാര് നിര്ബന്ധമായും വായിക്കണമെന്ന് ബിനോയ് വിശ്വം ആവശ്യപ്പെട്ടു.
ഗോള്വല്ക്കര് എഴുതിയത് വായിച്ചാല് ആര് എസ് എസിന്റെ രാഷ്ട്രീയ അജണ്ട എന്താണെന്ന് മനസിലാകുമായിരുന്നു എന്നും സി പി ഐ സംസ്ഥാന സെക്രട്ടറി കൂട്ടിച്ചേര്ത്തു. പ്രധാനമന്ത്രിയുടെ വിരുന്നില് മണിപ്പൂര് കലാപമടക്കമുള്ള വിഷയങ്ങളെക്കുറിച്ച് ബിഷപ്പുമാര് ചോദിക്കേണ്ടതായയിരുന്നു എന്നും ബിനോയ് വിശ്വം അഭിപ്രായപ്പെട്ടു.
