ബെംഗളൂരു: കര്ണാടകയില് കഴിഞ്ഞ 24 മണിക്കൂറിനുള്ളില് 125 പുതിയ കോവിഡ്-19 കേസുകളും മൂന്ന് മരണങ്ങളും റിപ്പോര്ട്ട് ചെയ്തു. ഇതോടെ സംസ്ഥാനത്ത് ആകെ സജീവമായ കേസുകളുടെ എണ്ണം 436 ആയി ഉയര്ന്നതായി ആരോഗ്യ ബുള്ളറ്റിന് അറിയിച്ചു.
ആരോഗ്യവകുപ്പ് പുറത്തിറക്കിയ ബുള്ളറ്റിന് അനുസരിച്ച് കഴിഞ്ഞ 24 മണിക്കൂറിനുള്ളില് 30 രോഗികളെ ഡിസ്ചാര്ജ് ചെയ്തു. 2,072 ആര്ടി-പിസിആര് 1,083 റാപ്പിഡ് ആന്റിജന് ടെസ്റ്റുകള് ഉള്പ്പെടെ ആകെ 3,155 ടെസ്റ്റുകള് നടത്തി. പോസിറ്റീവ് നിരക്ക് 3.96 ശതമാനവും കേസിലെ മരണനിരക്ക് 2.4 ശതമാനവുമാണ്.
ദക്ഷിണ കന്നഡയില് ഡിസംബര് 22 നും ഹാസനില് ഡിസംബര് 23 നും ദക്ഷിണ കന്നഡയില് ഡിസംബര് 24 നും കൊവിഡ്-19 മായി ബന്ധപ്പെട്ട പുതിയ മൂന്ന് മരണങ്ങള് റിപ്പോര്ട്ട് ചെയ്യപ്പെട്ടു. സംസ്ഥാനത്ത് റിപ്പോര്ട്ട് ചെയ്യപ്പെട്ട മൊത്തം സജീവ കേസുകള് 436 ആണ്. ഇതില് 400 പേര് ഹോം ഐസൊലേഷനിലും ബാക്കി 36 പേര് ആശുപത്രിയിലുമാണ്.
