താനെ: മഹാരാഷ്ട്രയിലെ പന്‍വേലില്‍ നിന്നുള്ള 54 കാരിയായ സ്ത്രീക്ക് ഓണ്‍ലൈന്‍ തട്ടിപ്പില്‍ മൂന്ന് ലക്ഷത്തിലധികം രൂപ നഷ്ടപ്പെട്ടതായി പോലീസ് അറിയിച്ചു. യുവതിയുടെ പരാതി പ്രകാരം സെപ്തംബര്‍ 20ന് ഫേസ്ബുക്കില്‍ ഡ്രൈ ഫ്രൂട്ട്സ് സ്റ്റോറിന്റെ പരസ്യം കണ്ട് കുറച്ച് ഡ്രൈ ഫ്രൂട്ട്സ് ഓര്‍ഡര്‍ ചെയ്തു. പരസ്യത്തില്‍ പറഞ്ഞിരിക്കുന്ന നമ്പറില്‍ അവള്‍ ബന്ധപ്പെട്ടപ്പോള്‍, മറുവശത്തുള്ള ആള്‍ യുപിഐ അധിഷ്ഠിത ആപ്പ് വഴി എങ്ങനെ പണമടയ്ക്കാമെന്ന് നിര്‍ദ്ദേശിച്ചു.
നിര്‍ദ്ദേശങ്ങള്‍ പാലിച്ച ശേഷം, ഇടപാട് പരാജയപ്പെട്ടതായി അയാള്‍ സ്ത്രീയോട് പറഞ്ഞു. എന്നാല്‍ പിന്നീട് അവരുടെ ബാങ്ക് അക്കൗണ്ടില്‍ നിന്ന് 3,09,337 രൂപ പിന്‍വലിച്ചതായി കണ്ടെത്തി. തുടര്‍ന്ന് അയാളെ ഫോണില്‍ ബന്ധപ്പെടാന്‍ ശ്രമിച്ചെങ്കിലും അതിന് കഴിഞ്ഞില്ല. പിന്നീടാണ് പോലീസില്‍ പരാതി നല്‍കിയത്.
