കാഠ്മണ്ഡു: പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസില് നേപ്പാള് മുന് ദേശീയ ക്രിക്കറ്റ് ടീം ക്യാപ്റ്റന് സന്ദീപ് ലാമിച്ചനെ കോടതി ശിക്ഷിച്ചു. കഴിഞ്ഞ വര്ഷം ഓഗസ്റ്റില് കാഠ്മണ്ഡുവിലെ ഒരു ഹോട്ടല് മുറിയില് വച്ച് തന്നെ ബലാത്സംഗം ചെയ്തെന്ന് 17 കാരിയായ പെണ്കുട്ടി ആരോപിച്ചതിനെ തുടര്ന്ന് അറസ്റ്റ് ചെയ്ത ലാമിച്ചനെ ജനുവരിയില് നേപ്പാള് കോടതി വിട്ടയച്ചിരുന്നു.
ഞായറാഴ്ച ആരംഭിച്ച അന്തിമ വാദം കേള്ക്കല് അവസാനിച്ചതിനെത്തുടര്ന്ന് ജഡ്ജി ശിശിര് രാജ് ധകലിന്റെ സിംഗിള് ബെഞ്ച് ഉത്തരവിട്ടു. പീഡനകേസില് കാഠ്മണ്ഡു ജില്ലാ കോടതിയാണ് ലാമിച്ചനെ ശിക്ഷിച്ചത്. അടുത്ത ഹിയറിംഗില് ലാമിച്ചാന്റെ ശിക്ഷ നിശ്ചയിക്കും. നിലവില് ജാമ്യത്തിലായിരുന്ന താരത്തിനെ കോടതി വിധിക്ക് പിന്നാലെ പൊലീസ് അറസ്റ്റ് ചെയ്തു.
23 കാരനായ ലാമിച്ചാനെ നേപ്പാളിലെ ഏറ്റവും ഉയര്ന്ന ക്രിക്കറ്റ് കളിക്കാരനാണ്, 2018 ല് ഡല്ഹി ക്യാപിറ്റല്സ് ഫ്രാഞ്ചൈസിക്കായി അരങ്ങേറ്റം കുറിച്ചപ്പോള് ഇന്ത്യന് പ്രീമിയര് ലീഗില് (ഐപിഎല്) കളിക്കുന്ന നേപ്പാളില് നിന്നുള്ള ആദ്യത്തെ ക്രിക്കറ്റ് കളിക്കാരനാണ്.
