തൃശൂര്: മുല്ലശേരിയിലെ ഭാരത് അരി വിതരണം പെരുമാറ്റ ചട്ട ലംഘനമാണെന്ന് ആരോപിച്ച് പോലീസ് തടഞ്ഞു. ഭാരത് അരിയെച്ചൊല്ലി തൃശൂരില് രാഷ്ട്രീയപ്പോര് നിലനില്ക്കുന്നതിനിടെയാണ് അരി വിതരണം പോലീസ് തടഞ്ഞത്. പഞ്ചായാത്ത് ഉപതെരഞ്ഞെടുപ്പ് നടക്കുന്നതിനാലാണ് നടപടിയെന്ന് വിശദീകരണം.
അതേ സമയം, മോദിയുടെ അരിയും പരിപ്പും തൃശൂരില് വേവില്ലെന്ന് ടി എന് പ്രതാപന് എം പി നേരത്തെ പറഞ്ഞിരുന്നു.പൊതുവിതരണ സംവിധാനത്തെ അട്ടിമറിച്ച് അരിവിതരണം നടത്തുന്നത് വോട്ട് ലക്ഷ്യമിട്ടെന്ന് സിപിഐയും കുറ്റപ്പെടുത്തി. സംഭവത്തില് ബിജെപി പ്രവര്ത്തകരും പൊലീസും തമ്മില് തര്ക്കമുണ്ടായി. എന്നാല്, സുരേഷ് ഗോപിക്ക് ജയിക്കാന് വേണ്ടി നടപ്പാക്കുന്ന പദ്ധതിയല്ലെന്നും, ഭാരത് അരി രാജ്യത്താകെ വിതരണം ചെയ്യുന്നുണ്ടെന്നുമാണ് ബിജെപിയുടെ മറുപടി.
