കണ്ണൂര്: കേരളത്തിലെ യുവാക്കള് പൊളിറ്റിക്കല് ഇസ്ലാമിലേക്ക് വഴി തെറ്റുന്നുവെന്ന് സിപിഐഎം സംസ്ഥാന സമിതി അംഗം പി ജയരാജന്. കേരളത്തില് നിന്നും ഐഎസിലേക്ക് നടന്ന റിക്രൂട്ട്മെന്റ് ഗൗരവമേറിയ വിഷയമാണെന്നും പി.ജയരാജന് വ്യക്തമാക്കി. ചെറുപ്പക്കാരില് തീവ്രവാദ ആശയം സ്വാധീനം ചെലുത്തുന്നുവെന്നും കണ്ണൂരില് നിന്നുള്ള യുവാക്കള് മതഭീകരവാദ സംഘടനയുട ഭാഗമായിട്ടുണ്ടെന്നും അദ്ദേഹം പറഞ്ഞു. എന്നാല് പി ജയരാജന് നടത്തിയ പ്രസ്താവനയോട് പ്രതികരിക്കാതെ മൗനം പാലിച്ചു നില്ക്കുകയാണ് സിപിഎം നേതാക്കള്.
അടുത്ത മാസം പുറത്തിറങ്ങുന്ന ‘മുസ്ലിം രാഷ്ട്രീയവും രാഷ്ട്രീയ ഇസ്ലാമും’ എന്ന പുസ്തകത്തെക്കുറിച്ചുള്ള ചോദ്യത്തിനായിരുന്നു അദ്ദേഹത്തിന്റെ മറുപടി. ഇന്ന് പൊളിറ്റിക്കല് ഇസ്ലാം വലിയ പ്രശ്നമായി വരികയാണ്. ജമാഅത്തെ ഇസ്ലാമിയും, പോപ്പുലര് ഫ്രണ്ടും അപകടകരമായ ആശയ തലം സൃഷ്ടിക്കുന്നു. കേരളത്തിലടക്കം ചില ചെറുപ്പക്കാര് വഴിതെറ്റി പോയി ഇസ്ലമിക് സ്റ്റേറ്റില് ചേര്ന്നു. ഐഎസിലേക്ക് റിക്രൂട്ട് ചെയ്യുന്ന സംഭവങ്ങള് ഉണ്ടായിട്ടുണ്ട്. കശ്മീരിലെ കൂപ്വാരയില് കണ്ണൂരില് നിന്നുള്ള നാല് ചെറുപ്പക്കാര് പോയി ഏറ്റുമുട്ടി കൊലചെയ്യപ്പെട്ടിട്ടുണ്ട്. അത് ഇന്ത്യന് സൈന്യവുമായി ഏറ്റുമുട്ടിയിട്ടാണ് കൊല്ലപ്പെട്ടത്.’ എന്നാണ് പി ജയരാജന്റെ പരാമര്ശം. കൂടുതല് വിശദാംശങ്ങള് ഈ പുസ്തകത്തില് ഉള്പ്പെടുത്തിയിട്ടുണ്ടെന്നും പി ജയരാജന് വ്യക്തമാക്കി.
