കല്പ്പറ്റ: മുണ്ടക്കൈ-ചൂരല്മല ഉരുള്പ്പൊട്ടല് ദേശീയ ദുരന്തമായി പ്രഖ്യാപിക്കാത്തതിലും കേന്ദ്രസര്ക്കാര് അവഗണന നടത്തുകയാണെന്നും ആരോപിച്ച് വയനാട് ജില്ലയില് 19 ന് ഹര്ത്താല് പ്രഖ്യാപിച്ച് യുഡിഎഫ്. രാവിലെ ആറ് മുതല് വൈകീട്ട് ആറ് വരെയാണ് ഹര്ത്താല്. കേന്ദ്രസര്ക്കാര് രാഷ്ട്രീയം കളിക്കുകയാണെന്നും പുനരധിവാസം വൈകുന്ന സാഹചര്യത്തില് ഇനിയും മിണ്ടാതിരിക്കാന് സാധിക്കില്ലെന്നും ടി സിദ്ധിഖ് എംഎല്എ പറഞ്ഞു.രാഷ്ട്രീയ കാരണങ്ങളുടെ പേരില് സഹായം നിഷേധിക്കുന്നത് അംഗീകരിക്കാനാകില്ലെന്നും അദ്ദേഹം പറഞ്ഞു.
ചൂരല്മല-മുണ്ടക്കൈ ഉരുള്പൊട്ടല് ദുരന്തത്തെ ദേശീയ ദുരന്തമായി പ്രഖ്യാപിക്കാന് കഴിയില്ലെന്ന കേന്ദ്രനിലപാടിനെതിരെ കോണ്ഗ്രസ് നേതാവ് പ്രിയങ്ക ഗാന്ധി രംഗത്തെത്തിയിരുന്നു. കേന്ദ്രത്തിന്റെ നിലപാട് പ്രതിഷേധാര്ഹമാണെന്ന് പ്രിയങ്ക ഗാന്ധി പറഞ്ഞു. ദുരന്തബാധിതരോടുള്ള അനീതിയാണിത്. വയനാട്ടിലെ ജനങ്ങള് കൂടുതല് അര്ഹിക്കുന്നുണ്ടെന്നും പ്രിയങ്ക ഗാന്ധി പറഞ്ഞു.
