ദേവകി വാര്യർ സാഹിത്യ പുരസ്‌കാരം എ ശഹനക്ക് ലഭിച്ചു

ദേവകി വാര്യർ സ്മാരക സാഹിത്യപുരസ്‌കാരം ഗവേഷക വിദ്യാർത്ഥിനിയായ എ. ശഹനക്ക് (മലപ്പുറം) ലഭിച്ചു. പ്രോത്സാഹന സമ്മാനങ്ങൾ ദിവ്യ റീനേഷ്(കണ്ണൂർ) ,ആതിര വിജയൻ(പത്തനംതിട്ട) എന്നിവരും നേടി. ദേവകിവര്യർ സ്ത്രീശാക്തീകരണ പഠനകേന്ദ്രം ഈ വർഷം ‘ഫേസ്‌ബുക്ക്’ എന്ന പ്രമേയത്തെ അടിസ്ഥാനമാക്കിയുള്ള ചെറുകഥാമത്സരം ആണ് നടത്തിയത്. 116 പേർ മത്സരത്തിൽ പങ്കെടുത്തു. പ്രെസിഡന്റ്‌ ടി രാധാമണി , സെക്രട്ടറി ലത വാര്യർ എന്നിവർ പത്രക്കുറിപ്പിൽ അറിയിച്ചതാണിത് .
12000 രൂപയും പ്രശസ്തിപത്രവും ഫലകവുമാണ് ഒന്നാം സമ്മാനം. 7000 രൂപ വീതം ആണ് പ്രോത്സാഹനസമ്മാനം . എ ജി ഒലീന, ലേഖ നരേന്ദ്രൻ , എസ് രാഹുൽ എന്നിവരടങ്ങിയ സമിതിയാണ് വിജയികളെ തെരെഞ്ഞെടുത്തത് .ദേവകി വാര്യരുടെ ജന്മദിനമായ 2025 ജൂൺ 12 ന് വൈകിട്ട് മൂന്ന് മണിക്ക് സത്യൻ സ്മാരകത്തിൽ നടക്കുന്ന ആഘോഷപരിപാടിയിൽ ആരോഗ്യമന്ത്രി വീണ ജോർജ് പുരസ്കാരദാനം നിർവഹിക്കും. പ്രശസ്ത എഴുത്തുകാരി ചന്ദ്രമതി മുഖ്യാതിഥി ആയിരിക്കും.