പത്തനംതിട്ട തിരുവല്ല ബിലീവേഴ്സ് ആശുപത്രിയില് എംബിബിഎസ് വിദ്യാര്ത്ഥി കെട്ടിടത്തില് നിന്ന് വീണ് മരിച്ചു. കൊല്ലം ആശ്രാമം സ്വദേശി ജോണ് തോമസ്(26) ആണ് മരിച്ചത്. കാല് വഴുതി വീണതാകാം എന്നാണ് പ്രാഥമിക നിഗമനം.
ഇന്നലെ രാത്രി പത്ത് മണിയോടെയായിരുന്നു അപകടം സംഭവിച്ചത്. ഹോസ്റ്റൽ കെട്ടിടത്തിന്റെ മുകളില് നിന്ന് ജോണ് തോമസ് വീഴുകയായിരുന്നു. ഉടന് ആശുപത്രിയിലേക്ക് എത്തിച്ചെങ്കിലും രക്ഷിക്കാനായില്ല. തിരുവല്ല താലൂക്ക് ആശുപത്രിയില് പോസ്റ്റ്മോര്ട്ടം നടത്തി മൃതദേഹം ബന്ധുക്കള്ക്ക് വിട്ടുനല്കും. ജോണിന്റെ മരണത്തില് പൊലീസ് അന്വേഷണം തുടങ്ങിയിട്ടുണ്ട്.
