ചെന്നൈ: ഐഎഎഫിന്റെ ചെന്നൈ എയര് ഷോയില് തിക്കും തിരക്കും കനത്ത ചൂടും കാരണം അഞ്ച് പേര് മരിക്കുകയും നിരവധി പേര് ആശുപത്രിയിലാവുകയും ചെയ്തു. 100 ലധികം ആളുകളെ ആശുപത്രിയില് പ്രവേശിപ്പിക്കുകയും ചെയ്തു. എയര് ഷോ കാണാന് മറീന ബീച്ചില് തടിച്ചുകൂടിയ ജനങ്ങളാണ് തിക്കിലും തിരക്കിലും പെട്ടത്.
ശ്രീനിവാസന്(48), കാര്ത്തികേയന്(34), ബാബു(56) തുടങ്ങിയവരാണ് മരിച്ചത്. വന് ജനക്കൂട്ടമായിരുന്നു ഇന്ത്യന് എയര്ഫോഴ്സിന്റെ എയര് ഷോ കാണാനെത്തിയത്. ഏകദേശം 13 ലക്ഷത്തോളം ആളുകള് പരിപാടിക്കെത്തിയെന്നാണ് ദേശീയ മാധ്യമങ്ങള് റിപ്പോര്ട്ട് ചെയ്യുന്നത്. രാവിലെ ഏഴ് മണി മുതല് എയര് ഷോ കാണാന് ആളുകള് എത്തി തുടങ്ങിയിരുന്നു. ഉച്ചയ്ക്ക് ഒരു മണിക്ക് ഷോ അവസാനിച്ചതോടെ എല്ലാവരും ഒരുമിച്ച് പുറത്തേക്കിറങ്ങാന് ശ്രമിച്ചതാണ് ദുരന്തത്തിന് കാരണമായതെന്ന് അധികൃതര് പറയുന്നു. കനത്ത ചൂടും ആളുകള് കുഴഞ്ഞുവീഴുന്നതിന് കാരണമായി.
