തെലങ്കാനയില് 4000 രൂപ വാര്ദ്ധക്യ പെന്ഷനും 500 രൂപയ്ക്ക് എല്പിജിയും ഉള്പ്പെടെ വിവിധ പ്രഖ്യാപനങ്ങള് ഉള്പ്പെടുന്ന കോണ്ഗ്രസ് പാര്ട്ടിയുടെ പ്രകടനപത്രിക എഐസിസി അധ്യക്ഷന് മല്ലികാര്ജുന് ഖാര്ഗെ പുറത്തിറക്കി. നവംബര് 30ന് നടക്കുന്ന തെരഞ്ഞെടുപ്പിന് ശേഷം സംസ്ഥാനത്ത് പാര്ട്ടി അധികാരത്തിലെത്തിയാല് പ്രതിമാസം 2500 രൂപയും സ്ത്രീകള്ക്ക് 500 രൂപയ്ക്ക് ഗ്യാസ് സിലിണ്ടറുകളും എല്ലാ വീടുകള്ക്കും 200 യൂണിറ്റ് സൗജന്യ വൈദ്യുതിയും കോണ്ഗ്രസിന്റെ ആറ് ഉറപ്പുകളില് ഉള്പ്പെടുന്നു.
കര്ഷകര്ക്ക് പ്രതിവര്ഷം 15,000 രൂപ നിക്ഷേപ സഹായവും കര്ഷകത്തൊഴിലാളികള്ക്ക് 12,000 രൂപയുമാണ് ഋതു ഭരോസയുടെ കീഴില് പാര്ട്ടി വാഗ്ദാനം ചെയ്യുന്നത്. 4,000 രൂപ വാര്ദ്ധക്യ പെന്ഷനും 10 ലക്ഷം രൂപയുടെ ആരോഗ്യ ഇന്ഷുറന്സ് പരിരക്ഷയും അര്ഹരായ ഗുണഭോക്താക്കള്ക്ക് നല്കും. വിദ്യാ ഭരോസ കാര്ഡിന് കീഴില് വിദ്യാര്ത്ഥികള്ക്ക് 5 ലക്ഷം രൂപയുടെ സാമ്പത്തിക സഹായ കാര്ഡ് നല്കും. അത് കോളേജ് ഫീസ് അടയ്ക്കുന്നതിനും (ഫീസ് റീഇംബേഴ്സ്മെന്റിന് പുറമേ) മറ്റ് വിദ്യാഭ്യാസവുമായി ബന്ധപ്പെട്ട ചെലവുകള്ക്കും ഉപയോഗിക്കാം. കൂടാതെ എല്ലാ വിദ്യാര്ത്ഥികള്ക്കും വൈഫൈ സൗകര്യങ്ങള് വഴി സൗജന്യ ഇന്റര്നെറ്റ് നല്കും.
കാളേശ്വരം ലിഫ്റ്റ് ഇറിഗേഷന് പദ്ധതിയുടെ നിര്മാണത്തിലെ എല്ലാ ക്രമക്കേടുകളിലും അഴിമതിയിലും സിറ്റിങ് ഹൈക്കോടതി ജഡ്ജിയെക്കൊണ്ട് ജുഡീഷ്യല് അന്വേഷണം നടത്തുമെന്നും പ്രകടനപത്രികയില് ഉറപ്പുനല്കി. കോണ്ഗ്രസ് അധികാരത്തിലെത്തിയാല് രണ്ട് ലക്ഷം രൂപയുടെ കാര്ഷിക കടങ്ങള് ഒറ്റയടിക്ക് എഴുതിത്തള്ളുമെന്നും തിരഞ്ഞെടുപ്പ് രേഖ കൂട്ടിച്ചേര്ത്തു. ഒറ്റത്തവണ തീര്പ്പാക്കല് സ്കീമിലൂടെ പെന്ഡിംഗ് ട്രാഫിക് ചലാനുകള്ക്ക് 50 ശതമാനം കിഴിവ് വാഗ്ദാനം ചെയ്യുന്നതിനൊപ്പം ഓരോ ഓട്ടോറിക്ഷാ ഡ്രൈവര്ക്കും പ്രതിവര്ഷം 12,000 രൂപ ധനസഹായം നല്കുമെന്നും പാര്ട്ടി വാഗ്ദാനം ചെയ്തിട്ടുണ്ട്.
