ന്യൂഡല്ഹി: ഡല്ഹി മുഖ്യമന്ത്രി അരവിന്ദ് കെജ്രിവാളിനെ റെയ്ഡ് ചെയ്യാനും അറസ്റ്റ് ചെയ്യാനും ഇഡി തയ്യാറെടുക്കുന്നതിനിടെ അരവിന്ദ് കെജ്രിവാളിന്റെ വസതിയിലേക്ക് പോകുന്ന റോഡുകള് തടഞ്ഞതായും എല്ലാ ഗേറ്റുകളിലും പോലീസ് ഉദ്യോഗസ്ഥരെ വിന്യസിച്ചതായും റിപ്പോര്ട്ട്.
കെജ്രിവാളിനെ റെയ്ഡ് ചെയ്ത് അറസ്റ്റ് ചെയ്യുമെന്ന് പാര്ട്ടി നേതാക്കള് അവകാശപ്പെട്ടതിനെ തുടര്ന്ന് ബുധനാഴ്ച മുതല് അവിടെ തടിച്ചുകൂടിയ മാധ്യമപ്രവര്ത്തകരെ നിയന്ത്രിക്കാന് മുഖ്യമന്ത്രിയുടെ വീടിന് ചുറ്റുമുള്ള സുരക്ഷ ശക്തമാക്കിയതായി ഡല്ഹി പോലീസ് പറഞ്ഞു.
